下午茶時間，最啱飲杯茶食個cake，今次去咗灣仔的Cocolo Tokyo Cake Factory，食咗佢哋出名嘅青森蘋果批等蛋糕😋 黎一個日式甜品盛匯下午茶😂🇯🇵
Cocolo Tokyo Cake Factory 全白色的店舖裝修，配襯日系木條牆櫃，仲有一個大大嘅發光店舖logo在背後，而門前有個Cocolo logo 的日式暖簾，裝修風格好簡約又帶日式感。灣仔呢間係分店，而店舖大部份做外賣，只有兩張高圓枱供客人在店內食用。佢哋嘅蛋糕選擇非常豐富，睇到心大心細🤤唔知點揀，全部都想食😋😂
～青森蘋果批 $38🍎🇯🇵
青森蘋果批係店舖人氣推介嘅甜品，都係我最鐘意嘅一款。好幸運遇到新鮮出爐，青森蘋果批表皮非常鬆脆，而且切開見到有好多層酥皮， 陣陣熱氣飄出嚟，好新鮮熱辣。😍佢地使用嘅青森蘋果餡非常新鮮，每咬一口都充滿著蘋果嘅香甜味道。而批底鬆軟香濃，加埋蘋果蓉嘅清甜，真係好好食。
～栗子蒙布朗 $30🌰
另外一款栗子蒙布朗都好好食。個蒙布朗賣相已經好靚，最上層鋪滿一絲絲的栗子蓉，底部係有栗子味嘅餅底，中間係順滑嘅cream, 清甜而不膩, 栗子嘅香味慢慢散開，每一口咬落去，都可以感受到栗子風味，真係好味。
～宇治抹茶烤芝士蛋糕 $38🍵
因為我係抹茶控，所以最後一款揀左宇治抹茶烤芝士蛋糕😆而呢個蛋糕的抹茶味道香濃而且唔苦，而芝士味道都算濃郁，兩者混合得好平衡，又不會太甜。有點可惜嘅係蛋糕係剛剛在雪櫃攞出嚟，質地有點凍和偏硬。
如果中意食蛋糕甜品嘅話，Cocolo Tokyo Cake Factory係一間值得一試嘅日式甜品店。佢地嘅蛋糕款式好多，而佢嘅青森蘋果批真心推介，相信一定唔會失望！
Cocolo Tokyo Cake Factory
推介度：⭐️⭐️⭐️/5⭐️
地址：灣仔皇后大道東200號利東街地庫1樓B36號舖
#日本 #青森 #蘋果批 #applepie #甜品 #蛋糕 #cocolotokyocakefactory #灣仔 #熱門菜式 #打卡 #chill #下午菜 #下次要再食
